ᠳᠡᠯᠡᢈᠡᠢ ᠶ᠋ᠢᠨ ᠨᠣᠮ᠂ ᠵᠣᢈᠢᠶᠠᠭᠴᠢ ᠶ᠋ᠢᠨ ᠡᠷᢈᠡ ᠶ᠋ᠢᠨ ᠡᠳᠦᠷ ᠢ᠋ ᠲᠣᢈᠢᠶᠠᠯᠳᠤᠭᠤᠯᠤᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠦᠨᠳᠦᠰᠦᠨ ᠦ᠋ ᠨᠣᠮ ᠤ᠋ᠨ ᠰᠠᠩ ᠠ᠋ᠴᠠ “ᠨᠣᠮ ᢈᠡᠪᠯᠡᠯ ᠦ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᠵᠣᢈᠢᠶᠠᠭᠴᠢ ᠶ᠋ᠢᠨ ᠡᠷᢈᠡ᠂ ᠣᠶᠤᠨ ᠤ᠋ ᠥᠮᠴᠢ᠂ ᠰᠣᠶᠤᠯ ᠤ᠋ᠨ ᠥᠪ ᠦ᠋ᠨ ᠬᠠᠮᠠᠭᠠᠯᠠᠯᠲᠠ” ᠰᠡᠳᠦᠪᠲᠦ ᢈᠡᠯᠡᠯᠴᠡᢉᠦᠯᢉᠡ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃ ᢈᠡᠯᠡᠯᠴᠡᢉᠦᠯᢉᠡ ᠪᠡᠷ ᠰᠣᠶᠤᠯ ᠤ᠋ᠨ ᠶᠠᠮᠤᠨ ᠤ᠋ ᠰᠲ᠋ᠷᠠᠲ᠋ᠧᢉᠢ᠂ ᢈᠥᢉᠵᠢᠯ ᠦ᠋ᠨ ᠪᠣᠳᠤᠯᠭᠠ ᠲᠥᠯᠦᠪᠯᠡᠯᠲᠡ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠵᠠ᠂ᠪᠠᠶᠠᠨᠵᠤᠯᠠ “ᠰᠣᠶᠤᠯ ᠤ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᠬᠠᠤᠯᠢ᠂ ᠡᠷᢈᠡ ᠵᠦᠢ ᠶ᠋ᠢᠨ ᠪᠠᠷᠢᠮᠲᠠ ᠨᠤᠭᠤᠳ ᠳᠠᢈᠢ ᠵᠣᢈᠢᠶᠠᠭᠴᠢ ᠶ᠋ᠢᠨ ᠡᠷᢈᠡ ᠶ᠋ᠢᠨ ᠵᠣᢈᠢᠴᠠᠭᠤᠯᠤᠯᠲᠠ”᠂ᠤ᠂ ᠹ᠂᠂ ᠮᠣᠩᠭᠤᠯ ᠤ᠋ᠨ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠻᠣᠨᠰᠤᠷᠼᠢᠦᠮ ᠤ᠋ᠨ ᢉᠦᠶᠢᠴᠡᠳᢈᠡᢈᠦ ᠵᠠᢈᠢᠷᠤᠯ ᠴᠤ᠃ ᠮᠥᠩᢈᠡ-ᠡᠷᠳᠡᠨᠢ “ᠨᠣᠮ ᠤ᠋ᠨ ᠰᠠᠩ ᠤ᠋ᠳ ᠤ᠋ᠨ ᠴᠠᢈᠢᠮ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᢈᠡᠷᠡᢉᠯᠡᢉᠡ᠂ ᠵᠣᢈᠢᠶᠠᠭᠴᠢ ᠶ᠋ᠢᠨ ᠡᠷᢈᠡ ᠶ᠋ᠢᠨ ᠠᠰᠠᠭᠤᠳᠠᠯ”᠂ ᠣᠶᠤᠨ ᠤ᠋ ᠥᠮᠴᠢ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠵᠣᢈᠢᠶᠠᠭᠴᠢ ᠶ᠋ᠢᠨ ᠡᠷᢈᠡ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠮᠡᠷᢉᠡᠵᠢᠯᠲᠡᠨ ᠭ᠃ ᠡᠩᢈᠡᠴᠢᠮᠡᢉ “ᠣᠶᠤᠨ ᠤ᠋ ᠥᠮᠴᠢ᠂ ᠵᠣᢈᠢᠶᠠᠭᠴᠢ ᠶ᠋ᠢᠨ ᠡᠷᢈᠡ ᠶ᠋ᠢᠨ ᠵᠠᠷᠢᠮ ᠠᠰᠠᠭᠤᠳᠠᠯ”᠂ᠫ ᠮᠤᠪᠢᠰ-ᠡᠶᠢᠨ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠵᠠᢈᠢᠷᠤᠯ ᠵᠠ᠂ᠪᠠᠭᠠᠲᠤᠷᠰᠦ᠋ᠷᠦᠩ “ᠶᠡᢈᠡ᠂ ᠳᠡᢉᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠴᠠᢈᠢᠮ ᠦᠶᠢᠯᠡᠴᠢᠯᠡᢉᠡ” ᠰᠡᠳᠦᠪ ᠢ᠋ᠶᠡᠷ ᠢᠯᠡᠳᢈᠡᠵᠦ᠂ ᢈᠡᠯᠡᠯᠴᠡᢉᠦᠯᢉᠡ ᠥᠷᠨᠢᢉᠦᠯᠪᠡ᠃
ᠨᠡᠶᠢᠰᠯᠡᠯ ᠦ᠋ᠨ ᠶᠧᠪ-ᠡᠶᠢᠨ ᠕᠐ ᠳ᠋᠋ᠤᠭᠠᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠢ᠂ ᠴᠡᠴᠡᢉᠪᠠᠶᠠᠷ ᠪᠠᠭᠰᠢ ᠲᠠᠢ ᠗ ᠠᠩ ᠤ᠋ᠨ ᠔᠒᠂ ᠑ ᠳ᠋᠋ᠦ᠋ᢉᠡᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠮᠣᠩᠭᠣᠯ ᢈᠡᠯᠡᠨ ᠦ᠋ ᢉᠦᠨᠵᠡᢉᠡᠶᠢᠷᠡᢉᠦᠯᠦᢉᠰᠡᠨ ᠰᠤᠷᠭᠠᠯᠲᠠ ᠲᠠᠢ ᠨᠠ᠂ ᠨᠠᠷᠠᠨᠴᠢᠮᠡᢉ ᠪᠠᠭᠰᠢ ᠲᠠᠢ ᠑᠐ ᠠᠩᢉᠢ ᠶ᠋ᠢᠨ ᠓᠕ ᠰᠤᠷᠤᠭᠴᠢ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠦᠢᠯᠡ ᠠᠵᠢᠯᠯᠠᠭᠠ ᠲᠠᠢ ᠲᠠᠨᠢᠯᠴᠠᠵᠤ᠂ ᠦᠨᠡᠲᠦ ᠬᠣᠪᠤᠷ ᠨᠣᠮ ᠤ᠋ᠨ ᠮᠦᠽᠧᠢ ᠪᠡᠷ ᠠᠶᠠᠯᠠᠯᠠ᠃ ᠠᠶᠠᠯᠠᠯ ᠠ᠋ᠴᠠ ᠣᠯᠵᠤ ᠮᠡᠳᠡᢉᠰᠡᠨ ᠵᠦᠢᠯᠡᠰ ᠢ᠋ᠶᠡᠷ ᠨᠢ ᠲᠠᠨᠢᠨ ᠮᠡᠳᠡᢈᠦᠢ ᠶ᠋ᠢᠨ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ ᠶ᠋ᠢᠨ ᠲᠡᠮᠡᠴᠡᢉᠡᠨ ᠶᠠᠪᠤᠭᠤᠯᠵᠤ ᠒ ᠰᠤᠷᠤᠭᠴᠢ ᠶ᠋ᠢ ᠨᠣᠮ᠂ ᠳᠤᠷᠠᠰᠬᠠᠯ ᠤ᠋ᠨ ᠵᠦᠶᠢᠯ ᠢ᠋ᠶᠡᠷ ᠱᠠᠩᠨᠠᠯᠠ᠃
ᠮᠣᠩᠭᠤᠯ ᠤᠯᠤᠰ ᠤ᠋ᠨ ᠦᠨᠳᠦᠰᠦᠨ ᠦ᠋ ᠨᠣᠮ ᠤ᠋ᠨ ᠰᠠᠩ ᠠ᠋ᠴᠠ ᠒᠐᠒᠓ ᠣᠨ ᠳ᠋ᠤ ᢈᠡᠷᠡᢉᠵᠢᢉᠦᠯᠵᠦ ᠪᠤᠢ “ᠦᠨᠳᠦᠰᠦᠨ ᠦ᠋ ᠴᠠᢈᠢᠮ ᠨᠣᠮ ᠵᠦᠢ”-ᠨ ᠠᠵᠢᠯ ᠤ᠋ᠨ ᢈᠦᠷᠢᠶᠡᠨ ᠳ᠋ᠦ ᠒᠐᠒᠒ ᠣᠨ ᠳ᠋ᠤ ᢈᠡᠪᠯᠡᢉᠳᠡᢉᠰᠡᠨ ᠨᠣᠮ᠂ ᠪᠦᠲᠦᢉᠡᠯ ᠦ᠋ᠨ ᠴᠠᢈᠢᠮ ᠨᠣᠮ ᠵᠦᠢ ᠶ᠋ᠢᠨ ᠨᠡᢉᠡᢉᠡᠯᠲᠡ ᠲᠡᠢ ᠨᠢᢉᠡᠳᠦᢉᠰᠡᠨ ᠰᠠᠩ ᠢ᠋ ᠡᢉᠦᠰᢈᠡᢈᠦ ᠪᠡᠷ ᠠᠵᠢᠯᠯᠠᠵᠤ ᠪᠠᠶᠢᠨᠠ᠃ ᠤᠭ ᠠᠵᠢᠯ ᠳ᠋ᠤ ᠤᠰᠤ ᠰᠤᠪᠠᠭ ᠤ᠋ᠨ ᠤᠳᠤᠷᠢᠳᠬᠤ ᠭᠠᠵᠠᠷ ᠤ᠋ᠨ ᠬᠠᠮᠲᠤ ᠣᠯᠠᠨ ᠨᠢᢉᠡᠳᠴᠦ ᠒᠐᠒᠒ ᠣᠨ ᠳ᠋ᠤ ᢈᠡᠪᠯᠡᢉᠦᠯᠦᢉᠰᠡᠨ ᠵᠣᢈᠢᠶᠠᠯ ᠪᠦᠲᠦᢉᠡᠯ ᠦ᠋ᠳ ᠢ᠋ᠶᠡᠨ ᠬᠠᠨᠳᠢᠪᠯᠠᠯᠠ᠃ ᠢᠩᢉᠢᢉᠰᠡᠨ ᠢ᠋ᠶᠡᠷ ᠲᠤᠰ ᠪᠠᠶᠢᠭᠤᠯᠤᠯᠭᠠ ᠠ᠋ᠴᠠ ᢈᠡᠪᠯᠡᢉᠳᠡᢉᠰᠡᠨ ᠨᠣᠮ ᠤ᠋ᠨ ᠠᠭᠤᠯᠭᠠ᠂ ᢈᠡᠪᠯᠡᠨ ᠨᠡᠶᠢᠲᠡᠯᠡᠯ ᠦ᠋ᠨ ᠮᠡᠳᠡᢉᠡᠯᠡᠯ ᠢ᠋ ᠦᠨᠳᠦᠰᠦᠨ ᠦ᠋ ᠪᠣᠯᠤᠭᠠᠳ ᠣᠯᠠᠨ ᠤᠯᠤᠰ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠲᠤ ᠳᠡᠯᠡᢈᠡᠢ ᠳᠠᢈᠢᠨ ᠤ᠋ ᠵᠢᠱᠢᢉ᠂ ᠰᠲ᠋ᠠᠨ᠋ᠳᠠᠷᠲ ᠤ᠋ᠨ ᠳᠠᠭᠠᠭᠤ ᠲᠠᠲᠠᠵᠤ ᠠᠰᠢᠭᠯᠠᠬᠤ ᠪᠣᠯᠤᠮᠵᠢ ᠪᠦᠷᠢᠳᠦᠨᠡ᠃ ᠮᠥᠨ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠦᠨᠳᠦᠰᠦᠨ ᠦ᠋ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠮᠡᠷᢉᠡᠵᠢᠯᠲᠡᠨ ᠨᠦ᠋ᢉᠦᠳ ᠲᠤᠰ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠦᠢᠯᠡ ᠠᠵᠢᠯᠯᠠᠭᠠ ᠲᠠᠢ ᠲᠠᠨᠢᠯᠴᠠᠵᠤ ᠮᠡᠷᢉᠡᠵᠢᠯ ᠠᠷᠭᠠ ᠵᠦᠢ ᠶ᠋ᠢᠨ ᠵᠥᠪᠯᠡᢉᠡ ᠥᢉᠴᠦ ᠠᠵᠢᠯᠯᠠᠯᠠ᠃ ᠦᠨᠳᠦᠰᠦᠨ ᠦ᠋ ᠴᠠᢈᠢᠮ ᠨᠣᠮ ᠵᠦᠢ ᠶ᠋ᠢᠨ ᠠᠵᠢᠯ ᠳ᠋ᠤ ᠵᠣᢈᠢᠶᠠᠯᠴᠢ᠂ ᠤᠷᠠᠨ ᠪᠦᠲᠦᢉᠡᠯᠴᠢ᠂ ᠠᠯᠪᠠᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠨᠠ᠃
ᠡᠮᠦᠨᠡᠭᠣᠪᠢ ᠠᠶᠢᠮᠠᠭ ᠤ᠋ᠨ ᠢᠲᠡᢈᠦ᠂ ᠵᠢᠳᠲᠡ᠂ ᠰᠣᠶᠤᠯ ᠤᠷᠠᠯᠢᠭ ᠤ᠋ᠨ ᠭᠠᠵᠠᠷ ᠠ᠋ᠴᠠ ᢈᠡᠷᠡᢉᠵᠢᢉᠦᠯᠵᠦ ᠪᠤᠢ “ᠨᠤᠲᠤᠭ ᠤ᠋ᠨ ᢈᠡᠰᠢᢉ” ᢈᠥᠲᠦᠯᠪᠦᠷᠢ ᠶ᠋ᠢᠨ ᢈᠦᠷᠢᠶᠡᠨ ᠳ᠋ᠦ ᠲᠤᠰ ᠠᠶᠢᠮᠠᠭ ᠤ᠋ᠨ ᠰᠣᠶᠤᠯ ᠤᠷᠠᠯᠢᠭ ᠤ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᢈᠦᠮᠦᠨ ᠦ᠋ ᠨᠥᢉᠡᠴᠡ ᠶ᠋ᠢ ᠴᠢᠳᠠᠪᢈᠢᠵᠢᠭᠤᠯᠬᠤ ᠰᠤᠷᠭᠠᠯᠲᠠ ᠒᠐᠒᠓ ᠣᠨ ᠤ᠋ ᠐᠒ ᠰᠠᠷᠠ ᠶ᠋ᠢᠨ ᠐᠓- ᠤ᠋ ᠡᠳᠦᠷ ᠳᠠᠯᠠᠨᠵᠠᠳᠠᠭᠠᠳ ᠬᠣᠲᠠ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠯᠠ᠃ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠰᠠᠯᠪᠤᠷᠢ ᠰᠤᠷᠭᠠᠯᠲᠠ ᠳ᠋ᠤ ᠠᠶᠢᠮᠠᠭ ᠤ᠋ᠨ ᠰᠤᠮᠤᠳ ᠤ᠋ᠨ ᠰᠣᠶᠤᠯ ᠤ᠋ᠨ ᠲᠥᠪ᠂ ᠶᠧᠪᠰ᠂ ᠨᠡᠶᠢᠲᠡ ᠶ᠋ᠢᠨ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠔᠖ ᠨᠣᠮ ᠤ᠋ᠨ ᠰᠠᠩᠴᠢ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠠᠵᠢᠯᠲᠠᠨ ᠬᠠᠮᠤᠷᠤᠭᠳᠠᠯᠠ᠃ ᠰᠤᠷᠭᠠᠯᠲᠠ ᠶ᠋ᠢ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠦᠨᠳᠦᠰᠦᠨ ᠦ᠋ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠠᠷᠭᠠ ᠵᠦᠶᠢᠴᠢ ᠸᠠ᠂ᠲᠦᠪᠰᠢᠨᠲᠣᠭᠲᠠᠬᠤ᠂ ᠮᠣᠩᠭᠤᠯ ᠤ᠋ᠨ ᠨᠣᠮ ᠤ᠋ᠨ ᠰᠠᠩ ᠤ᠋ᠳ ᠤ᠋ᠨ ᠻᠣᠨᠰᠤᠷᠼᠢᠦᠮ ᠤ᠋ᠨ ᢉᠦᠶᠢᠴᠡᠳᢈᠡᢈᠦ ᠵᠠᢈᠢᠷᠤᠯ ᠴᠤ᠃ ᠮᠥᠩᢈᠡ-ᠡᠷᠳᠡᠨᠢ ᠨᠠᠷᠠ “ᠴᠠᢈᠢᠮ ᠢ᠋ᠶᠠᠷ ᠨᠣᠮ ᢈᠡᠪᠯᠡᠯ ᠰᠤᠷᠲᠠᠯᠴᠢᠯᠠᠬᠤ ᠠᠷᠭᠠ ᠵᠦᠢ”᠂ᠤ᠂ ᠹ᠂᠂ “ᠴᠠᢈᠢᠮ ᠻᠣᠨ᠋ᠲ᠋ᠧᠨ᠋ᠲ ᠪᠡᠯᠡᠳᢈᠡᢈᠦ ᠠᠷᠭᠠ ᠵᠦᠢ᠂” “ᠰᠣᠶᠤᠯ ᠲᠠᠨᠢᠨ ᠮᠡᠳᠡᢈᠦᠢ ᠶ᠋ᠢᠨ ᠠᠵᠢᠯ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠨᠢ” ᠵᠡᠷᢉᠡ ᠰᠡᠳᠦᠪ ᠦ᠋ᠨ ᠳᠣᠣᠷᠠ ᠤᠳᠤᠷᠢᠳᠤᠨ ᠶᠠᠪᠤᠭᠤᠯᠤᠯᠠ᠃
ᠨᠣᠮ ᠤ᠋ᠨ ᠰᠠᠩᠴᠢ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠠᠵᠢᠯᠲᠠᠨ ᠨᠤᠭᠤᠳ᠂ ᠨᠣᠮ ᠤ᠋ᠨ ᢈᠦᠷᠢᠶᠡᠨ ᠦ᠋ ᠤᠩᠰᠢᠭᠴᠢ᠂ ᠵᠣᢈᠢᠶᠠᠯᠴᠢ᠂ ᠪᠦᠲᠦᢉᠡᢉᠴᠢᠳ ᠲᠦ ᠵᠣᠷᠢᠭᠤᠯᠤᠭᠳᠠᠭᠰᠠᠨ ᠣᠨᠤᠯ᠂ ᠮᠡᠳᠡᢉᠡᠯᠡᠯ᠂ ᠠᠷᠭᠠ ᠵᠦᠢ ᠶ᠋ᠢᠨ “ᠨᠣᠮ ᠤ᠋ᠨ ᠰᠠᠩᠴᠢ” ᠰᠡᠳᢈᠦᠯ ᠦ᠋ᠨ ᠰᠢᠨᠡ ᠳ᠋ᠤᠭᠠᠷ ᢈᠡᠪᠯᠡᢉᠳᠡᠯᠡ᠃ ᠡᠨᠡ ᠤᠳᠠᠭᠠ ᠶ᠋ᠢᠨ ᠳ᠋ᠤᠭᠠᠷ ᠲᠤ(᠒᠐᠒᠒ ᠣᠨ ᠤ᠋ №᠐᠒(᠑᠒᠐)) ᠦᠨᠳᠦᠰᠦᠨ ᠦ᠋ ᠨᠣᠮ ᠵᠦᠢ ᠶ᠋ᠢᠨ ᠠᠰᠠᠭᠤᠳᠠᠯ ᠢ᠋ ᠭᠣᠣᠯᠯᠠᠨ ᠠᠪᠴᠤ ᠦᠵᠡᠵᠦ ᠗ ᠥᢉᠦᠯᠡᠯ᠂ ᠨᠡᠶᠢᠲᠡᠯᠡᢉᠦᠯᠦᢉᠰᠡᠨ ᠪᠣᠯ᠂ ᠬᠠᠤᠯᠢ ᠡᠷᢈᠡ ᠵᠦᠢ᠂ ᠰᠠᠩ ᢈᠥᠮᠦᠷᢉᠡ᠂ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠦᠢᠯᠡᠴᠢᠯᠡᢉᠡ᠂ ᠪᠠᠷᠢᠮᠲᠠᠲᠤ ᠥᠪ᠂ ᠴᠠᢈᠢᠮ ᠨᠣᠮ ᠤ᠋ᠨ ᠰᠠᠩ ᠰᠡᠳᠦᠪ ᠦ᠋ᠨ ᠳᠣᠣᠷᠠ ᠨᠡᠶᠢᠲᠡ ᠑᠗ ᠥᢉᠦᠯᠡᠯ᠂ ᠨᠡᠶᠢᠲᠡᠯᠡᠯ ᢈᠡᠪᠯᠡᢉᠳᠡᠯᠡ᠃ ᠤᠭ ᠰᠡᠳᢈᠦᠯ ᠨᠢ ᠒᠐᠒᠒ ᠣᠨ ᠤ᠋ ᠑᠑ ᠰᠠᠷᠠ ᠳ᠋ᠤ ᠰᠣᠶᠤᠯ ᠤ᠋ᠨ ᠶᠠᠮᠤᠨ ᠠ᠋ᠴᠠ ᠵᠠᠷᠯᠠᠭᠰᠠᠨ ᠰᠣᠶᠤᠯ ᠤ᠋ᠨ ᠪᠦᠲᠦᢉᠡᠯᠴᠢ ᠰᠠᠷᠠ ᠶ᠋ᠢᠨ ᠤᠷᠢᠶᠠ᠂ ᠠᠭᠤᠯᠭᠠ ᠶ᠋ᠢᠨ ᢈᠦᠷᠢᠶᠡᠨ ᠳ᠋ᠦ ᢈᠡᠪᠯᠡᢉᠳᠡᢉᠰᠡᠨ ᠢ᠋ᠶᠡᠷ ᠢ᠋ᠶᠡᠨ ᠣᠨᠴᠠᠯᠢᠭ ᠶᠤᠮ᠃ ᠒᠐᠒᠓ ᠣᠨ ᠤ᠋ №᠐᠑(᠑᠒᠑) ᠳ᠋ᠤᠭᠠᠷ ᠤ᠋ᠨ ᠪᠡᠯᠡᠳᢈᠡᠯ ᠠᠵᠢᠯ ᠬᠠᠩᠭᠠᠭᠳᠠᠵᠤ ᠪᠤᠢ ᠪᠥᢉᠡᠳ ᠡᠨᠡ ᠳ᠋ᠤᠭᠠᠷ ᠲᠤ ᠨᠣᠮ ᠤ᠋ᠨ ᠰᠠᠩ ᠤ᠋ᠨ ᠦᠢᠯᠡ ᠠᠵᠢᠯᠯᠠᠭᠠᠨ ᠳ᠋ᠤ ᢈᠥᠲᠦᠯᠦᢉᠳᠡᢈᠦ᠂ ᠪᠦᠷᠢᠳᢈᠡᠯ᠂ ᠮᠠᠶ᠋ᠢᠭᠲᠤ ᠶ᠋ᠢᠨ ᠠᠰᠠᠭᠤᠳᠠᠯ ᠢ᠋ ᠭᠣᠣᠯᠯᠠᠨ ᢈᠥᠨᠳᠡᠵᠦ᠂ ᠡᠨᠡ ᠴᠢᢉᠯᠡᠯ ᠦ᠋ᠨ ᠥᢉᠦᠯᠡᠯ ᠦ᠋ᠳ ᠢ᠋ ᠨᠡᠶᠢᠲᠡᠯᠡᢈᠦ ᠪᠡᠷ ᠲᠥᠯᠦᠪᠯᠡᢉᠡᠳ ᠪᠠᠶᠢᠨᠠ᠃ ᠡᠶᠢᠮᠦ ᠳ᠋ᠦ ᠨᠣᠮ ᠤ᠋ᠨ ᠰᠠᠩᠴᠢ᠂ ᠮᠡᠳᠡᢉᠡᠯᠡᠯ ᠦ᠋ᠨ ᠠᠵᠢᠯᠲᠠᠨ᠂ ᠰᠤᠳᠤᠯᠤᠭᠠᠴᠢ ᠲᠠ ᠪᠦᢈᠦᠨ ᠢ᠋ ᠳ᠋ᠤᠭᠠᠷ ᠤ᠋ᠨ ᠭᠣᠣᠯ ᠰᠡᠳᠦᠪ ᠪᠣᠯᠤᠨ ᠨᠣᠮ ᠤ᠋ᠨ ᠰᠠᠩ᠂ ᠰᠣᠶᠤᠯ ᠤ᠋ᠨ ᠥᠪ ᠲᠡᠢ ᠬᠠᠮᠢᠶᠠᠷᠬᠤ ᠰᠤᠳᠤᠯᠭᠠ᠂ ᠰᠢᠨᠵᠢᠯᠡᢉᠡᠨ ᠦ᠋ ᠥᢉᠦᠯᠡᠯ᠂ ᠨᠡᠶᠢᠲᠡᠯᠡᠯᠡ nomyn᠃ sanch@gmail᠃ com ᠬᠠᠶ᠋ᠢᠭ ᠢ᠋ᠶᠠᠷ ᠢᠷᠡᢉᠦᠯᢈᠦ ᠶ᠋ᠢ ᠤᠷᠢᠵᠤ ᠪᠠᠶᠢᠨᠠ᠃ ᠗᠐᠑᠑᠒᠓᠙᠗᠂ ᠙᠙᠘᠑᠔᠔᠒᠔᠂ ᠙᠙᠒᠗᠓᠖᠑᠔ ᠳ᠋ᠤᠭᠠᠷ ᠲᠤ ᠬᠣᠯᠪᠤᠭᠳᠠᠵᠤ ᠳᠡᠯᢉᠡᠷᠡᠩᢉᠦᠢ ᠮᠡᠳᠡᢉᠡᠯᠡᠯ ᠠᠪᠴᠤ ᠪᠣᠯᠤᠨᠠ᠃ ᠨᠣᠮ ᠤ᠋ᠨ ᠰᠠᠩᠴᠢ ᠰᠡᠳᢈᠦᠯ ᠦ᠋ᠨ ᠷᠧᠳᠠᠻᠼᠢ ᠶ᠋ᠢᠨ ᠵᠥᠪᠯᠡᠯ